Nakon godinu i po dana autor sevdalinki Božo Vrećo vraća se u hram muzike, zagrebačku koncertnu dvoranu „Vatroslav Lisinski”. Emocije koje može samo Božov glas da prizove najbolji su poziv na ovaj koncert: „Ko li noćas miluje ti kosu”, „Elma”, „Lejlija” i ostale sjajne autorske pjesme i interpretacije odvešće publiku na putovanje ispunjeno ljepotom i melanholijom. Božo Vrećo umjetnik je koji svojim stvaralaštvom i saradnjama prevazilazi žanrovske granice – samo ujedinjeni u različitosti možemo ići naprijed. Hrabro koračajući kroz život prostorima čiji duh oživljuje kroz svoje interpretacije i autorske pjesme, Božo Vrećo na svojim plećima nosi svu bol, melanholiju i čežnju naroda do kojih dopire jezik na kojem stvara. Ali on ruši i tu barijeru – sevdah je dobio ambasadora čiji glas ujedinjuje, a ne razdavaja, glas koji pobuđuje ljubav koja nam je danas i više nego potrebna, glas koji poziva na pomirenje i pomjeranje granice države koja ga je iznjedrila, i glas koji nas vraća u majčino krilo – jer biti siguran i voljen je sve što tražimo.
Rasprodati koncerti širom Evrope i emocije koje Božo izaziva znače samo jedno, 12. februara u KD „Vatroslav Lisinski” publiak će biti svjedokom maestralnom nastupu ovog vrhunskog umjetnika.
A.Š.
Komentari
Komentari se objavljuju sa zadrškom.
Zabranjen je govor mržnje, psovanje, vrijedjanje i klevetanje. Nedozvoljen sadržaj neće biti objavljen.
Prijavite neprikladan komentar našem
MODERATORU.
Ukoliko smatrate da se u ovom članku krši Kodeks novinara, prijavite našem
Ombudsmanu.